કડકાઈથી ટ્રાફિકના નિયમોનું પાલન કરાવવા માટે હવે સુરત ટ્રાફિક પોલીસે પણ તમામ તૈયારીઓ કરી દીધી છે.

16 સપ્ટેમ્બરના રોજ રાજ્ય સરકારે દ્વારા નવા ટ્રાફિકના નિયમની અમલવારી કરવામાં આવી હતી. જો કે, વાહન ચાલાકોની મુશ્કેલીને ધ્યાનમાં લઇને રાજ્ય સરકાર દ્વારા વાહન ચાલકોને તેમના તમામ ડોક્યુમેન્ટ મેળવવા લેવા માટે બે વખત 15-15 દિવસનો સમય આપ્યો હતો. હવે આ સમય પૂર્ણ થઇ ગઈ છે અને 1 નવેમ્બરથી રાજ્યમાં નવા ટ્રાફિકના નિયમોની અમલવારી શરૂ થઇ ગઈ છે. રાજ્યના વાહન વ્યવહાર મંત્રી આર. સી. ફળદુ દ્વારા પણ વાહન ચાલકોને ટ્રાફિકના નિયમોનું પાલન કરવાની ટકોર કરવામાં આવી હતી. લોકોને કડકાઈથી ટ્રાફિકના નિયમોનું પાલન કરાવવા માટે હવે સુરત ટ્રાફિક પોલીસે પણ તમામ તૈયારીઓ કરી દીધી છે.

1 નવેમ્બરના રોજ રાજ્યમાં નવા ટ્રાફિકના નિયમની અમલવારી થતાની સાથે જ સુરત પોલીસે એક ટ્રાફિક ડ્રાઈવનું આયોજન કર્યું છે. આ ડ્રાઈવમાં પોલીસ વાહન ચાલકોને ટ્રાફિક નિયમ ભંગ બદલ દંડ કરશે. અત્યાર સુધી ટ્રાફિક પોલીસ લોકોને નવા ટ્રાફિકના નિયમને લઇને જાગૃત કરવાનો પ્રયાસ કરી રહી હતી અને સમજાવટ બાદ હવે ટ્રાફિકના નિયમનું પાલન કરાવવા માટે સુરત પોલીસ કડક વલણ અપનાવશે. સુરત ટ્રાફિક પોલીસ દ્વારા અલગ અલગ 70 ટીમો તૈયાર કરવામાં આવી છે અને આ તમામ ટીમ સુરતના અલગ અલગ વિસ્તારના રસ્તાઓ પર નિયમ ભંગ કરતા વાહન ચાલકો પર નજર રાખશે અને ત્યારબાદ વાહન ચાલકને દંડ ફટકારશે.

ટ્રાફિક DCPએ મીડિયા સાથે વાતચીત કરતા જણાવ્યું હતું કે, તમામ લોકોને નવા મોટર વ્હીકલ એક્ટ વિષે માહિતી આપી છે અને હવે વાહન ચાલકોની તપાસ કરતા સમયે કોઈ પણ પ્રકારની બાંધછોડ કરવામાં આવશે નથી. દરેક વાહન ચાલકના ડોક્યુમેન્ટ તટસ્થ રીતે તપાસવામાં આવશે. વાહન ચાલક પોતાના તમામ ડોક્યુમેન્ટ DG લોકર અને M પરિવહન એપ પર પણ રાખી શકે છે.

પોસ્ટ પસંદ આવે તો લાઈક અને શેર કરવાનું ભૂલતા નહિ..

જો તમારી પાસે કોઈ અન્ય જાણવા લાયક માહિતી હોય, તો તમે અમને મેસેજ દ્વારા મોકલાવી શકો છો. જેથી અમે એ માહિતી અમારા બીજા લેખમાં ઉમેરી વધુમાં વધુ લોકો સુધી પહોચાડી શકીએ. જો તમે સેવાકીય કાર્યો, પ્રેરણાત્મક સ્ટોરી, સામાજીક કાર્યો, જાણવા જેવું, હાલના બનાવ, દેશ-વિદેશના સમાચાર, કૃષિ સમાચાર વગેરેની માહિતી મેળવવા માંગો છો તો ફેસબુક પર અમારા પેજને ફોલો કરી અમારી સાથે જોડાયેલા રહો. અમે આવી જ રસપ્રદ અને ઉપયોગી માહિતી તમારા માટે લાવતા રહીશું. આભાર. જય હિન્દ.

Leave a Reply

%d bloggers like this: