સુરતના જાણીતા રવાણી બિલડર્સના ભાગીદાર તણાવમાં આવી આત્મહત્યા કરી લીધી

સુરત શહેરના જાણીતા બિલ્ડર ગ્રુપના સાથે સંકળાયેલા અને એન્ટેલિયા ડ્રિમ, ડ્રિમ હોમ, ડ્રિમ હાઉસ, ડ્રિમ હેરિટેજ જેવા હાઈફાઈ પ્રોજેક્ટ હાથ ધરનાર 44 વર્ષના હરેશ રવાણી છેલ્લા કેટલાક દિવસોથી તીવ્ર આર્થિક ભીંસનો સામનો કરી રહ્યા હતા, આજે સાંજે કામરેજ પાસેના જોય એન જોય ખાતેના ફાર્મ હાઉસમાં ગળે ફાંસો ખાઈ મોતને વહાલું કર્યું, બિલ્ડર જગતમાં ખળભળાટ મચી જવા પામ્યો છે. નોટબંધી પછી આવેલા જીએસટીની માર ખાઈને ડચકા ખાતા રિયલ એસ્ટેટ ક્ષેત્રને રેરા જેવા કાયદાએ પણ રહ્યો સહ્યો શ્વાસ રૂંધી નાખ્યો છે. ત્યારે દિવાળી પહેલા બનેલી આ ઘટના રિયલ એસ્ટેટમાં મંદીને કારણે સર્જાયેલી ગંભીર સ્થિતિ બયાન કરે છે.

નોટબંધી, જીએસટી અને બાદમાં આવેલા રેરા જેવા કાયદાના કારણે બાંધકામ ક્ષેત્રમાં આવેલી મંદીના બિહામણાં પરિણામો આવે તેવી શંકા સાચી ઠરી રહી છે, સોમવારે સાંજે શહેરના ટોચના બિલ્ડર ગ્રુપમાં ગણાતા રવાણી ગ્રુપના નવ યુવાન બિલ્ડર હરેશ રવાણીએ (44) આર્થિક ભીંસમાં મોતને વહાલું કરી દીધું હતુ, શહેરના બિલ્ડર લોબીમાં આ સમાચાર ફેલાતા 100થી વધુ વાહનોનો કાફલો ઘટના સ્થળે ધસી ગયો હતો.

હરેશ છેલ્લા ઘણા મહિનોથી ડિપ્રેશનમાં હતો અને તેની સારવાર પણ ચાલી રહી હોવાનું જાણવા મળ્યું છે.કામરેજ સ્થિત જોય એન જોય ખાતે આવેલા ફાર્મ હાઉસમાં હરેશે પંખા સાથે લટકીને આત્મહત્યા કરતા રવાણી પરિવાર શોકમાં ગરકાવ થઈ ગયો હતો. રવાણી ગ્રુપ દવારા શહેરના પોશ વિસ્તારમાં પ્રોજેક્ટોની હારમાળા આવેલી છે. શહેરના લુડસ કોન્વેન્ટ સ્કૂલ પાસે આવેલી મેઘદૂત સોસાયટીમાં રહેતા હરેશ રવાણી છેલ્લા ઘણા સમયથી આર્થિક ભીંસનો સામનો કરી રહ્યા હોવાનું જાણવા મળ્યું છે. હરેશને 16 અને 21 વર્ષના ઉત્સવ અને દર્શિત નામના બે પુત્રો છે.

પોસ્ટ પસંદ આવે તો લાઈક અને શેર કરવાનું ભૂલતા નહિ..

જો તમારી પાસે કોઈ અન્ય જાણવા લાયક માહિતી હોય, તો તમે અમને મેસેજ દ્વારા મોકલાવી શકો છો. જેથી અમે એ માહિતી અમારા બીજા લેખમાં ઉમેરી વધુમાં વધુ લોકો સુધી પહોચાડી શકીએ. જો તમે સેવાકીય કાર્યો, પ્રેરણાત્મક સ્ટોરી, સામાજીક કાર્યો, જાણવા જેવું, હાલના બનાવ, દેશ-વિદેશના સમાચાર, કૃષિ સમાચાર વગેરેની માહિતી મેળવવા માંગો છો તો ફેસબુક પર અમારા પેજને ફોલો કરી અમારી સાથે જોડાયેલા રહો. અમે આવી જ રસપ્રદ અને ઉપયોગી માહિતી તમારા માટે લાવતા રહીશું. આભાર. જય હિન્દ.

Leave a Reply

%d bloggers like this: