એક ચોંકાવનારી ઘટનામાં રિવર્સમાં આવી રહેલી ગાડી ઉપર ચઢી જવા છતાં સાત વર્ષના બાળકનો ચમત્કારિક બચાવ થયો છે. બાળકનું નામ દીપ પાનસુરિયા હોવાનું બહાર આવ્યું છે. જે કાર નીચે બાળક આવી ગયો હતો તે તેના પાડોશમાં રહેતા જ એક વ્યક્તિની હતી. આ ઘટના સોમવારે બની હતી, જેનો વિડીયો હાલ સામે આવ્યો છે.
સુરતના વરાછા વિસ્તારની આ ઘટનામાં દીપ સ્કૂલે જવાના સમયે સોસાયટીમાં જ રહેતા પોતાના એક મિત્રના ઘરે ગયો હતો, અને ત્યાંથી તે પોતાના ઘરે પાછો આવ્યો હતો. ઘરની સામે જ તે છત્રી લઈને રસ્તા પર બેસી ગયો હતો. આ દરમિયાન એક કાર રિવર્સમાં આવી રહી હતી, જેની દીપને ખબર નહોતી. કારવાળાએ પણ દીપને ન જોયો અને તેણે કારને દીપ પર ચઢાવી દીધી હતી.
આ ઘટનાના સીસીટીવી ફુટેજમાં સ્પષ્ટ જોઈ શકાય છે કે, દીપ કારની નીચે આવી ગયો હતો, પરંતુ તેમ છતાંય તેને કંઈ નહોતો થયો. બાળક કાર નીચે આવી જતાં લોકોએ બૂમાબૂમ કરતાં કારચાલક ગાડીમાંથી બહાર નીકળ્યો હતો, અને દીપને બહાર કાઢવામાં આવ્યો હતો. તેના પરિવારજનોના જણાવ્યા અનુસાર, દીપને પીઠના ભાગે થોડું છોલાઈ ગયું હતું, તે સિવાય તેને કોઈ ગંભીર ઈજા નથી થઈ.
પોસ્ટ પસંદ આવે તો લાઈક અને શેર કરવાનું ભૂલતા નહિ..
જો તમારી પાસે કોઈ અન્ય જાણવા લાયક માહિતી હોય, તો તમે અમને મેસેજ દ્વારા મોકલાવી શકો છો. જેથી અમે એ માહિતી અમારા બીજા લેખમાં ઉમેરી વધુમાં વધુ લોકો સુધી પહોચાડી શકીએ. જો તમે સેવાકીય કાર્યો, પ્રેરણાત્મક સ્ટોરી, સામાજીક કાર્યો, જાણવા જેવું, હાલના બનાવ, દેશ-વિદેશના સમાચાર, કૃષિ સમાચાર વગેરેની માહિતી મેળવવા માંગો છો તો ફેસબુક પર અમારા પેજને ફોલો કરી અમારી સાથે જોડાયેલા રહો. અમે આવી જ રસપ્રદ અને ઉપયોગી માહિતી તમારા માટે લાવતા રહીશું. આભાર. જય હિન્દ.