Parle-G બિસ્કિટનું પણ વેચાણ ઘટ્યું, કંપનીમાં કામ કરતાં 8000-10,000 કામદારોને છૂટા કરવાની નોબત આવી શકશે

બિસ્કિટ બનાવનારી દેશની સૌથી મોટી કંપની પારલે પ્રોડક્ટ્સના કંઝમ્પશનમાં સુસ્તી આવતા 8થી 10,000 લોકોની છટણી થાય તેવી શક્યતા ઊભી થઈ છે. કંપનીના કેટેગરી હેડ મયંક શાહે જણાવ્યું, “અમે 100 રૂપિયા પ્રતિ કિલો કે તેનાથી ઓછી કિંમતના બિસ્કિટ પર GST ઘટાડવાની માંગ કરી છે. સામાન્ય રીતે તે 5 રૂપિયા કે તેથી ઓછાના પેકમાં વેચાય છે. જો સરકાર અમારી માંગ નહિ સ્વીકારે તો અમારે ફેક્ટરીમાં કામ કરનારા 8000-10,000 લોકોને કાઢવા પડશે. સેલ્સ ઘટવાથી અમને મોટું નુકસાન થઈ રહ્યું છે.”

પારલે-જી, મોનેકો અને મેરી બિસ્કિટ બનાવનારી કંપની પારલેનું વેચાણ 10,000 કરોડ રૂપિયાથી વધુનું છે. 10 પ્લાન્ટ ઓપરેટ કરતી આ કંપનીમાં 1 લાખથી વધુ કર્મચારીઓ કામ કરે છે. પારલે પાસે 125 થર્ડ પાર્ટી મેનુફેક્ચરિંગ યુનિટ છે. કંપનીના વેચાણનો અડધાથી વધુ હિસ્સો ગ્રામીણ માર્કેટમાંથી આવે છે.

GST લાગુ થતા પહેલા 100 રૂપિયા પ્રતિ કિલોથી ઓછી કિંમતના બિસ્કિટ પર 12 ટકા ટેક્સ લાગતો હતો. કંપનીઓને આશા હતી કે પ્રીમિયમ બિસ્કિટ માટે 12 ટકા અને સસ્તા બિસ્કિટ માટે 5 ટકાનો GST ટેક્સ નિશ્ચિત કરવામાં આવશે. સરકારે બે વર્ષ પહેલા જ્યારે GST લાગુ પડ્યો તો બધા જ બિસ્કિટોને 18 ટકા સ્લેબમાં નાંખી દીધા. આ કારણે કંપનીઓએ બિસ્કિટના ભાવ વધારવા પડ્યા જેની સીધી અસર તેના વેચાણ પર પડી. શાહે જણાવ્યું કે પારલેએ પણ 5 ટકા ભાવ વધારવો પડ્યો હતો જેને કારણે વેચાણમાં ઘટાડો થયો છે.

દેશની અન્ય એક મોટી બિસ્કિટ અને ડેરી પ્રોડક્ટ્સ બનાવતી કંપની બ્રિટાનિયાના મેનેજિંગ ડાયરેક્ટર વરૂણ બેરીએ પણ ગયા અઠવાડિયે જણાવ્યું હતું કે ગ્રાહકો 5 રૂપિયાના બિસ્કિટ પેકેટ ખરીદતા પણ ખચકાઈ રહ્યા છે. તેમણે કહ્યું હતુ કે 5 રૂપિયાના બિસ્કિટ ખરીદતા પહેલા પણ ગ્રાહકો બે વાર વિચારતા હોય તો તે નાણાંકીય સમસ્યાની ગંભીરતાનો પરિચય કરાવે છે. બેરીએ જણાવ્યું કે, “અમારો ગ્રોથ ફક્ત છ ટકા થયો છે. માર્કેટ ગ્રોથ અમારા કરતા પણ સુસ્ત છે.” નસ્લી વાડિયાની કંપની બ્રિટાનિયાનો દર વર્ષનો નેટ પ્રોફિટ જૂન ક્વાર્ટરમાં 3.5 ટકા ઘટીને 249 કરોડ રૂપિયા રહ્યો હતો.

પારલેના શાહે જણાવ્યું કે માંગ ઘટવાને કારણે રિટેલર્સ પણ પ્રોડક્ટ્સ લેતા ખચકાય છે. તેમણે જણાવ્યું, “બિસ્કિટ પર વધારે GST લાગુ પડવાને કારણે ગ્રાહકોની ડિમાન્ડ ઘટી છે. સરકાર આ માટે કોઈ પગલા નથી ભરી રહી જેને કારણે પરિસ્થિતિ વકરી ગઈ છે. અમારા અનેક એવા બિસ્કિટ છે જેને મધ્યમ અને ઓછી આવક ધરાવતા ગ્રાહકોને ધ્યાનમાં રાખીને બનાવવામાં આવ્યા હોય. એ અમારા જેવી બ્રાન્ડના કોર કન્ઝ્યુમર છે. અમને આશા છે કે સરકાર ડિમાન્ડને પાટા પર લાવવા માટે ટેક્સ સ્લેબ ઘટાડશે.”

ગયા મહિને માર્કેટ રિસર્ચ કંપની નીલસને FMCG સેક્ટર માટે 2019માં પોતાના ગ્રોથનું અનુમાન 11-12 ટકાથી ઘટાડી 9-10 ટકા કરી નાંખ્યુ છે. કંપનીએ ગ્રામીણ ક્ષેત્રોની ડિમાન્ડ સુસ્ત હોવાને કારણે આવુ કર્યું છે. નીલસે કહ્યું કે સુસ્ત માંગની અસર બધી જ ફૂડ અને નોન-ફૂડ કેટેગરી પર પડી રહી છે. તેની સૌથી ખરાબ અસર નમકીન, બિસ્કિટ, મસાલા, સાબુ અને પેકેટવાળી ચા પર જોવા મળી છે.

પોસ્ટ પસંદ આવે તો લાઈક અને શેર કરવાનું ભૂલતા નહિ..

જો તમારી પાસે કોઈ અન્ય જાણવા લાયક માહિતી હોય, તો તમે અમને મેસેજ દ્વારા મોકલાવી શકો છો. જેથી અમે એ માહિતી અમારા બીજા લેખમાં ઉમેરી વધુમાં વધુ લોકો સુધી પહોચાડી શકીએ. જો તમે સેવાકીય કાર્યો, પ્રેરણાત્મક સ્ટોરી, સામાજીક કાર્યો, જાણવા જેવું, હાલના બનાવ, દેશ-વિદેશના સમાચાર, કૃષિ સમાચાર વગેરેની માહિતી મેળવવા માંગો છો તો ફેસબુક પર અમારા પેજને ફોલો કરી અમારી સાથે જોડાયેલા રહો. અમે આવી જ રસપ્રદ અને ઉપયોગી માહિતી તમારા માટે લાવતા રહીશું. આભાર. જય હિન્દ.

Leave a Reply

%d bloggers like this: